Norheimsund legesenter
Velkomen til oss!
KOMMUNISER MED OSS PÅ HELSENORGE!
Det er no råd å kommunisera med legekontoret via tenesta "Digital dialog med fastlege" på helsenorge.no Her kan du fornya faster reseptar, starta e-konsultasjon med fastlegen din, og koma med enkle spørsmål til legekontoret. På sikt vil du også kunna bestilla timar her. Legen din kan også senda deg tilbakemelding på same måte. Dette er godkjend som sikker digital kommunikasjon.
Første gang du brukar dette, må du aktivera tenesta ved å logga deg inn på helsenorge.no Du treng bank-ID for å gjera dette.
Ta i bruk digital dialog med fastlege, det gjer kommunikasjon med din fastlege enklare!
Time- og reseptbestilling kan også framleis gjerast på Helserespons sin app for nettbrett og smarttelefon. Her kan ein og koma med korte spørsmål til legekontoret.
Denne appen er tilgjengeleg gratis i google Play til Android, og i AppStore til iOS.
NB! Bestill ikkje øyeblikkeleg hjelp-timar elektronisk!
Me ynskjer at så mange som mogeleg nyttar elektronisk bestilling av time og resept, dette kortar ned ventetida på telefon for dei som ikkje kan kontakta oss på annan måte.
OBS: Når du nyttar e-konsultasjon vil desse i utgangspunktet besvarast mellom kl 16-08. Dette fordi legen ofte har travle dagar, og ikkje har tid til dette i løpet av ordinær kontortid. Det tilkjem då kveldstakst, med egenandel minimum kr 280.
Aktuelt
9. oktober 2024
Alle legekontora i Kvam får nytt journalsystem. I den forbindelse er det behov for opplæring i det nye systemet for alle tilsette ved legekontora. I veke 42 vil det difor vere stengt her ved Norheimsund legesenter torsdag 17.oktober.
Om du treng legetilsyn den dagen kontoret der din fastlege jobbar er stengt, kan du ta kontakt med eit av dei andre legekontora.
Me skal i tillegg avslutte HELSERESPONS, og vil oppmoda alle til å heller kontakta oss via telefon eller helsenorge. Meldingar på Helserespons vil ikkje bli besvart fom. fredag 11.oktober.
21. august 2024
I dag, 21.8.2024 gjekk det ut melding frå HELFO til innbyggjarar i Kvam som har bl.a. fastlegane Martin Erdal og Gert Remeijer. Desse pasientane står no på pasientliste utan fastlege. Dette skuldast at legane har sagt opp sine fastlegeheimlar. Kvam herad har inngått vikaravtalar med legane.
Legane hjå oss, Martin Erdal og Gert Remeijer kjem til å halda fram som fastlegevikar på dei pasientlistene som dei har hatt. For deg som pasient vil dette ikkje føra til nokon endringar med det første.
21. juni 2024
Legesenteret i Norheimsund vert stengt i to veker denne sommeren, veke 29 og 30. Det vil då vera hjelp å få ved sommelegekontor lokalisert ved Toloheimen, i legevakten sine lokaler.
Me oppmodar sterkt om at resepter og timebestilling må føregå forut for desse vekene, då det vil vera lågare bemanning dei to vekene, enn det som er vanlig.
Legane har ferie som følger:
Kyle Smestad; 26-29
Gudmund Øvsthus; 26-29
Gerrit Remeijer; 27-30
Martin Erdal: 30-33
Ramona Myklebust; 29-32
Me ynkjer alle ein flott sommer!
